നമ്മളൊന്ന്

പെറ്റമ്മയേയും തിരിഞ്ഞു നോക്കാത്തവർ -ക്കാകുമോ നാടിനെ സ്നേഹിക്കുവാൻ ധീരരാരം പൂർവ്വികർ ജീവിതത്യാഗത്താൽ നേടിയ സ്വാതന്ത്ര്യം മാനിക്കുവാൻ

നാനാവിധമായ സോദരർ വാഴുന്ന പുണ്യപുരാതന ഭൂമിതന്നിൽ സ്വാർത്ഥത തൻവിത്തുപാകുമിക്കൂട്ടർ തൻ ലക്ഷ്യമതൊന്നു താൻ സർവ്വനാശം

അൽപ്പം പണത്തിനായ് പെറ്റമ്മയെപ്പോലും ഒറ്റിക്കൊടുക്കുന്ന കൂട്ടരിവർ നമ്മുടെ നാടിനെ വെട്ടിമുറിക്കുന്നോർ നമ്മുടെ അന്ത്യം കൊതിക്കുന്നവർ

കൂട്ടുകാരെപ്പോലരികത്തുകൂടി ചതിക്കുന്ന ഈ കൂട്ടർ മിത്രമല്ല നാടിനേം നാട്ടാരേം ദ്രോഹിക്കും കൂട്ടർക്ക് രാത്രിതൻ യാമത്തിൽ മിത്രമവൻ

നേരിനായ് നാടിനായ് നല്ലൊരു നാളെക്കായി നാമൊന്നായ് നിൽക്കണം കൂട്ടുകാരെ ഭാഷയേതായാലും ജാതിയേതായാലും വർഗ്ഗമേതായാലും നമ്മളൊന്ന്