നീലവിഹായസ്സു തേടി പറക്കുന്നപഞ്ചവർണക്കിളി
ആകാൻ കൊതിച്ചു ഞാൻ
പാരതന്ത്ര്യത്തിൻെറ ചങ്ങല പൊട്ടിച്ചു പാരിലൂടൊന്നു
കറങ്ങി നടക്കണം
നീർപൊയ്ക കാണണം നീന്തി തുടിക്കണം തേനും ഫലങ്ങളും
ആകെ നുകരണം
കാറ്റതു തൻറെയെതിരായി മാറുമ്പോൾ അതിനെ ചെറുത്തു
പറക്കാൻ ശ്രമിക്കണം
പോകുന്ന വഴിയിലായ് മഴയത് പെയ്യുമ്പോൾ നീർമണി തുള്ളിയെ
പുണരാൻ കഴിയണം
കത്തുന്ന വേനലിൽ താഴേക്ക് പോകാതെ ചാട്ടുളി
പോലെ കുതിക്കാൻ ശ്രമിക്കണം
എന്നാലഹംഭാവമില്ലാതിരിക്കണം ശത്രുവിനെപ്പോലും
മിത്രമായ് മാറ്റണം
നാടിനെ സ്നേഹിക്കും പാട്ടൊന്നു പാടണം നാട്ടുകാർക്കായി
ഞാൻ നല്ലതു ചെയ്യണം
No comments:
Post a Comment